Danke für all wo am Mändig mit eus sind cho fiere und astosse. Hammer Publikum sind ihr gsi! Jetzt simmer definitiv ready für de Winter und hoffed uf en schneeriiche Winter! See ya on tha lips…

Wow, endlich isches so wiit!!! No einisch schlafe bis mir euch eusi FACTS  uf de Tisch legged. Nach 7 Monät intensiver Arbet chömers chum erwarte und freued eus riesig, euch morn Abig im Mascotte willkomme z`heisse. Dänked dra, euse Film lauft definitiv um 21.30 Uhr. Ich empfiehle no en guete Schlummerdrink hüt Abig als chlini Ufwärmig für de morgig Abig. I dem Sinn scho mal cheers…

Dank em Phil hemmer wieder einisch meh chöne im traumhafte Engadin übernachte und hend usnahmswiis scho vorem Mittagässe (susch isches meischtens eher spaht worde) mit dere Stange ziemlich herzliche Kontakt gah. So zäge e huere glungni Znünisession! Dady Phil fühlt sich sicher au nöd  unwohl bi sim fs board.

Wos Endi Season im Flachland scho lang kei Schnee me gah het, hemmer eus wieder vell me ufem Berg, gnauer gseit in Laax obe, vergnüegt. Vo dere Stange hemmer scho vell greded gah. A dem wunderschöne Tag, wo de Parklift wieder mal ziemlich heiss gloffe isch, will vell z`vell Pommefriter dra zoge hend, isch Zyt definitiv riif gsi für de Spot go fahre. Da en bs Noseslide mit Drüberhüpfer vom Britschgi.

Ufem Wäg is schöne und immer wieder stark verschneite Engadin hemmer no de feini Feischtersims entdeckt. Vell z`Schufle hets gä bis mer endlich en bunshitauglichi Afahrt g`shaped gah hend. Zum Glück isch euse Parkshaper Joos vor Ort gsi, so hemmers no vorem iidunkle fertig baut gah, denn susch hätted die Einte no ufgäh und wäred anstell vom Gummiseil wiit in Hügel ufe go Alauf hole. Glaube nöd, dass denn d`Energie no glanged hätti für öpis Schlaus. Doch so hemmer nachere Twixx-Pause no es paar Shots in Chaschte becho! Britschgi and Phil like to press…

Rocker Board hin oder här, de Phil bewiesst, dass die 5-0`s ohni Rocker-Shape eifach fresher und natürlicher usgsehnd. Da no en duredrückte Press in Bade. Unterstricht no mal de astrengendi, aber megageil Abig bi dem Rail.

Als de Schnee im Flachland scho wieder am schmelze gsi isch, het de Clot unbedingt das Gap us de 2. Etage vo dem Parkhus no welle in Agriff näh. Logo hemmer de hinterletschti Pflotsch no zäme gschabed und en Abschussrampi nach em Architekt Sponagel sine Wünsch anegstellt. No drü, vier Schufle voll id Landig g`rüert und ready isch er gsi. Riese Respekt an euse Clot, dass er bi richtig miese Schneebedingige sin eignige Schatte x-fach übersprunge het! Big ollie